اكتر حاجه مجنناني الجماعه اللي بيقولوا الشعب المصري داخل تاريخ الديموقراطيه من اوسع ابوابه بالاستفتائات علي الدستور و ان الناس كانت بالطوابير رايحه تشارك بصوتها و ده واجب وطني و احنا دفعنا تمن الثورة مقدم و الكلام ده كله
في حين ان الناس راحت اديت صوتها علي حاجه تانية خالص :D
الجماعه بتوع ربنا (السلفيين و الاخوان) راحوا و خدوا الغالببية العظمى من الناس و قالوا نعم علشان المادة التانية من الدستور (الدين الاسلامي مصدر التشريعات) و
كلام حلاوه خالص بس الخازوق ان نعم أو لا كده كده فيه دستور جديد
في ناس قالت نعم علشان الاستقرار و ان الجيش يرجع بسرعه يحمي الحدود إلخ مع ان ده ضد المنطق لأن لو اتعمل 5 انتخابات في سنه مين هيحميها و ينظمها !! اكيد الجيش فين بقى الاستقرار ؟
الجماعه اللي قالت لا برضوا كانت فاكره إن نعم يعني هيتم ترقيع الدستور و ما فيش دستور جديد
يعني من الاخر الغالبية العظمى من الناس صوتت علي حاجه تانية خالص ياترى بقى النتيجة بتاع الاستفتاء بتعبر عن اردة شعب !!
كان فيه واحد بسأله انت هتقول نعم و الا لأ بيقولي طبعاً لا مش زي ولاد الــ**ب اللي عايزينه يرجع (مبارك)
ده غير اللي كانوا فاكرينها انتخابات رئاسية و بيدوروا علي اسامي المرشحين
انا شخصياً بقول عادي احنا لسه في سنة أولى (حضانة) ديموكراسية
